रसुवाको उत्तरगया गाउँपालिकाबाट मात्र ४२६ जना वेपत्ता भएका छन् । पाँच वटा वडा रहेको सो पालिकाको सबैभन्दा धेरै वडा नं १ बाट २१९,वडा नं २ का ८८ जना, ३ नम्बर वडाबाट २७ जना, वडा नं ४ बाट मा ७७ जना र वडा नं ५ मा १५ जना बेपत्ता भएका छन् ।
बिज्ञापन
पालिकाको अनुसार गाउँपालिकाकै ५ जना कर्मचारीहरू समेत बेपत्ता भएका छन् । वेपत्ता भएकामध्ये स्वास्थ्य शाखाका प्रमुख बलराम न्यौपाने,प्रदीप न्यौपाने लगायत रहेका छन् र हालसम्म एक जनाको मात्र शव फेला परेको पालिकाले जनाएको छ । भोटेकोसीमा आएको बाढीका कारण पालिकाको प्रशासनिक भवनमात्र नभई तीन वटा विद्यालय, स्वास्थ्य चौकी, पशु सेवा कार्यालय र कृषि कार्यालय समेत बगाएको छ ।
बिज्ञापन
पालिकाको अनुसार घरबारविहीन भएका र जोखिममा रहेकाहरूका लागि गाउँपालिकाले विभिन्न स्थानमा होल्डिङ सेन्टर सञ्चालन गरेको छ । गणेश आदर्श विद्यालयमा ४९ जना, सल्ले प्राविमा १२१ जना, कालिका माविमा १९ जना, भीमसेन आधारभूत विद्यालयमा ४९ जना, शिवालयमा २०० जना र सामुदायिक भवनमा १८ जनालाई राखिएको छ ।
